Отандық теннисші АҚШ-тағы турнирдің жартылай финалына шықты

Дмитрий Попко турнирдің басты фавторитін жеңіп, сенсация жасады.

Сыйақы қоры 25000 АҚШ долларын құрайтын турнирдің ширек финалында Попко бразил теннисшісі Педро Сакамотоны жеңді. Спортшылар кортта екі сеть күш сынасып, екеуінде де отандасымыз 6:4, 6:3 есептерімен басым түсті. Финалға жолдама алу үшін Дмитрий жергілікті теннисші Поль Остербаннан айласын асыру керек.