Джейкобс: Головкинге алғысым шексіз

Америкалық былғары қолғап шебері Даниэл Джейкобс екі жыл бұрын Геннадийге жеңілсе де, алғысы шексіз екенін мойындады.

- Головкинмен болған кездесу өзімнің мықты боксшылар қатарынан екенімді көрсетіп берді. Көп мүмкіндіктердің жолы ашылды. Физикалық тұрғыдан дайындығымның жаман еместігін сезетінмін. Оған қоса, бәске бәрі тігілген шақта өзімді қалай ұстайтынымды білдім. Бұл жағынан Генаға рахмет айтқанды жөн санаймын-деді Джейкобс.

Айта кетсек, Головкин - Джейкобс жұдырықтасуы 2017 жылдың наурызында орын алды. Төрешілердің бірауыздан қабылдаған шешімнің қорытындысы бойынша отандық бокстың түлегі жеңген болатын.