Қазақстандық боксшы жекпе-жек өткізбей жеңімпаз атанды

26 сәуірде лондондық York Hall аренасында бокс кеші өтті, деп хабарлайды Prosports.kz <span>сайты. </span>

Бұл кешке жеңіл салмақта өнер көрсететін қазақстандық Нұртас Ажбенов қатысуы керек болған. Бірақ жекпе-жек алдында оның қарсыласы армениялық Хамо Аперян рингке шығудан бас тартты. Алты раундқа жоспарланған жекпе-жек өтпей қалды.

Спортшының не үшін кездесуден бас тартқаны белгісіз.

Айта кетейік, Ажбенов кәсіпқой рингте төрт жекпе-жек өткізіп, бәрін жеңіспен аяқтаған. Оның біреуі – нокаутпен.