«Қазақстан барысының» жүлде қоры ұлғайды

<p style="text-align: justify;"> <strong>Халықтық қолдауға ие болған &laquo;Қазақстан барысы&raquo; турнирінің жеңімпазы теңгеге шаққанда бұрынғыға қарағанда көбірек ақша алады. Бұл туралы аталған жарыстың авторы Арман Шораев Астанада өткен баспасөз жиынында мәлімдеді.</strong></p> <p style="text-align: justify;"> Жұртты дүрліктірген девалвацияға қарамастан, &laquo;Қазақстан барысының&raquo; ұйымдастырушылары жүлде қоры азаймайтын болды. Бұған дейін &laquo;Барысқа&raquo;&nbsp;<strong>150 мың доллар,</strong>&nbsp;яғни 22,3 миллион теңге сыйақы беріліп келген. Биыл жеңімпазға қазіргі валюта бағамымен тура сол сомадаға &laquo;көк қағаз&raquo; табысталады. Тірсектен шалып жыққан, жамбасқа алып ұрған үздік балуан&nbsp;<strong>27,3 миллион теңгені</strong>&nbsp;қанжығасына салады. Алайда, &laquo;Қазақстан барысына&raquo; көлік кілті табысталмайтын болды. Темір тұлпарды жеңіске деген жігері үшін, көрермен көзайымына айналған балуан тақымына басады.</p> <p style="text-align: justify;"> Биылғы жарыстың ережесіне өзгерту енгізілді. Ауыл, аудан, облысты жеңіп шыққан балуандар ақтық кезеңге жолдама алады. Бар қызық финалдық бәсекеде басталады. Алда-жалда облыстық жарыс жергілікті жердің жартысынан астамын қамтымаса, аталған аймақ турнирдің соңғы кезеңіне жіберілмейді.&nbsp;<strong>Бұған дейін турнирде 12 қазы төрелік етсе, енді олардың саны 6-ға дейін азайды.</strong>&nbsp;Әрі төрешілерді таңдау да күшейтілмек. Жарысқа қазылық ету үшін әуелі емтихан тапсырады. Сынақтан ең әділ, сауатты деген 6 төреші таңдап алынады. Сондай-ақ, белдесуге қазылық жасау үшін 1000 доллар немесе&nbsp;<strong>180 мың теңге</strong>&nbsp;жарна төлейді. Егер жарыс барысында төреші қателік жіберсе, сома қайтарылмайды. Ал, сәтті қазылық етсе, жарнаны қайтарып,&nbsp;<strong>5000 доллар</strong>&nbsp;сыйақы беріледі.</p> <p style="text-align: justify;"> Турнирге енгізілген тағы бір өзгеріс &ndash;жүлдегер балуандардың бапкеріне бірдей сомадағы қаражатпен марапатталады. Бұрын жеңімпазды баптаған жаттықтырушы 50 мың АҚШ долларын алса, енді бәріне 20 мың доллар төленеді.</p>