Роман Кречке пәтер беріледі

<p style="text-align: justify;"> <strong>Сочи Олимпиадасында өнер көрсеткен Роман Креч Наурыз мерекесі қарсаңында баспаналы болады. Спортшының айтуынша, бұл пәтер оған спорттық жетістігі үшін алғыс ретінде беріліп жатқан көрінеді. &nbsp;</strong></p> <p style="text-align: justify;"> &laquo;Мерзімі жайлы маған Солтүстік Қазақстан облысы спорт және дене шынықтыру басқармасының басшысы Руслан Есеналин хабарлады. Тіпті, мекен жайын да айтты. Наурыз мерекесінде кілтін тапсырып қалар&raquo;, - деді Роман Креч.</p> <p style="text-align: justify;"> Ал, спортшының құлатылғалы тұрған үйі жайлы мәселе әлі шешілмеген. Ескі ғимарат орнына жаңа тұрғын үй бой көтереді. Әзiрге оның өтеуiне берiлетiн қаражат туралы келiссөздер тоқтап тұр.<br /> Еске сала кетсек, петропавлдық конькиші Роман Кречті бұдан бұрын отбасымен бірге құлағалы тұрған жекеменшік үйден шығарып, әлі салынып бітпеген тұрғын үйдің бір бөлмелі пәтеріне көшуін талап еткен болатын.</p> <p style="text-align: justify;"> Роман Креч Сочи Олимпиадасында 500 метрге конькимен жүгіруден 7-орын алған еді. Биыл отандасымыз Ванкувердегі көрсеткішін әлдеқайда жақсартқан. 2010 жылғы Олимпиадада дәл осы қашықтыққа конькимен жүгіруден ол тек 34-ші орыннан көрінген еді.&nbsp;</p>