«Қазақстан Барысы-2014» үш кезеңнен тұрады

<p style="text-align: justify;"> <strong>ҚР Президенті Нұрсұлтан Назарбаевтың жүлдесі үшін қазақ күресінен &laquo;Қазақстан Барысы&raquo; республикалық төртінші турнирінің іріктеу <a href="http://kazsporttv.kz/kz/node/3575/%C2%AB%D2%9A%D0%B0%D0%B7%D0%B0%D2%9B%D1%81%D1%82%D0%B0%D0%BD_%D0%91%D0%B0%D1%80%D1%8B%D1%81%D1%8B_2014%C2%BB_%D2%AF%D1%88_%D0%BA%D0%B5%D0%B7%D0%B5%D2%A3%D0%BD%D0%B5%D0%BD_%D1%82%D2%B1%D1%80%D0%B0%D0%B4%D1%8B">шаралары басталды.</a></strong></p> <p style="text-align: justify;"> Бұл туралы бүгін Астанада өткен баспасөз мәслихатында ҚР Спорт және дене шынықтыру агенттігінің төрағасы Тастанбек Есентаев мәлім етті.</p> <p style="text-align: justify;"> Оның айтуынша, салмағы 80 келіден жоғары, жасы 18-ге толған әрбір палуанның &laquo;Қазақстан Барысы&raquo; жобасында бақ сынауға мүмкіндігі бар.</p> <p style="text-align: justify;"> &laquo;Бүгінде қазақ күресімен Қазақстан бойынша 35 мыңнан астам бала мен ересектер айналысады. Олар 500-ден астам жаттықтырушы дайындауда&raquo;,- дейді агенттік басшысы.</p> <p style="text-align: justify;"> &laquo;Қазақстан Барысы&raquo; турнирінің іріктеу жарысының бірінші кезеңі 31 наурызға дейін ауылдарда өтеді, ал екінші кезең аудандық және қалалық дәрежеде сәуір айы бойы ұйымдастырылады.</p> <p style="text-align: justify;"> Үшінші кезеңінде облыстық іріктеу жарыстары 1-20 мамыр аралығында өтсе, турнирдің ақтық сыны 29 маусымда Астанадағы &laquo;Сарыарқа&raquo; республикалық велотрегінде өтеді.</p> <p style="text-align: justify;"> Т.Есентаевтың сөзіне қарағанда, республикалық ақтық сайысқа қатысатын палуандар арасында биылғы 25-30 мамыр аралығында Алматыда 5 күндік оқу-жаттығу жиыны өткізіледі.</p> <p style="text-align: justify;"> Жиын барысында соңғы сайысқа іріктелген палуандар үшін тереңдетілген медициналық тексеру, допинг-сынама, фото-бейне түсірілімдер ұйымдастырылады.</p>