Үстел теннисінен әлем чемпионатына қатысатын Қазақстан құрамасының тізімі

21-28 сәуір аралығында Венгрия астанаыс Будапешт қаласында үстел теннисінен әлем чемпионаты өтеді, деп жазады prosports.kz.

609 теннисші бақ сынайтын әлем біріншілігіне біздің елден жеті спортшы қатысқалы отыр. Олар - Кирилл Герасименко, Денис Жолдуев, Тимур Келбұғанов, Бекұлан Жамал, Анастасия Лаврова, Зәуреш Ақашева және Гүлчехра Хусейнова. 

Айта кетейік, турнирде бес категория бойынша жүлделер сарапқа салынады. Атап айтар болсақ, ерлер мен әйелдер арасындағы жекелей сында, ерлер мен әйелдер арасындағы жұптық сында және аралас командалық сын.