Бангкокта айқасатын әйелдер белгілі болды

<span>16-26 сәуірде Таиландтың астанасы – Бангкокта бокстан Азия чемпионаты өтетіні белгілі. Осы жарыста Қазақстанның ерлер командасы қандай құрамда күш сынасатынын біз бұған дейін жазғанбыз.</span>

<span>Бүгін әйелдер сайысында кімдердің шаршы алаңға шығатыны мәлім болды. Қазақстан құрамасының бас бапкері Вадим Присяжнюк мына шәкірттеріне сенім артып отыр: Алуа Балқыбекова (48 келі), Назым Қызайбай (51 келі), Дина Жоламан (54 келі), Сәния Сұлтанқызы (57 келі), Римма Волосенко (60 келі), Милана Сафронова (64 келі), Дариға Шәкімова (69 келі), Ақерке Бақытжан (75 келі), Фариза Шолтай (81 келі) және Ләззат Күнгейбаева (+81 келі).</span>