Қазақ боксшысы МТК компаниясымен келісімге келді

Қазақстандық боксшы Әбілқайыр Шағалиев британиялық MTK Global компаниясының жергілікті филиалы МТК Қазақстан компаниясымен келісімшартқа отырды.

Әбілқайыр екі жекпе-жек өткізіп, екеуін де уақытынан бұрын аяқтаған болатын.

«Бұл мен үшін үлкен жетістік. Қазір мен тек өзімнің боксшы ретінде шыңдалуыма көңіл бөлуіме болады. Менің мансабым үздік компанияның қолында. Сұлтан, Нұртас және Виктор секілді отандастарыма қосылғаныма қуаныштымын. Бірге қазақ боксының дамуына үлес қосуға тырысамыз. Рейтинігед тезірек өсіп, реті келсе чемпиондық атаққа қол жеткізгім келеді», — деді боксшы.