Головкиннің кіммен және қашан жекпе-жек өткізетіні белгілі

Қазақстандық боксшы Геннадий Головкин (38-1-1, 34 KO) DAZN компаниясымен келісімшартқа отырғаннан соң алғашқы жекпе-жегін 8-ші маусымда өткізеді. Бұл WorldBoxingNews.net сайты мәлімдеді.

Головкин шаршы алаңда «Үміткер» реалити-шоуының жеңімпазы Брэндон Адамспен (21-2, 13 KO) қолғап түйістіруі қажет. Жекпе-жек Нью-Йорк қаласында өтеді деп жоспарланып отыр.

Сондай-ақ, бұл күні шаршы алаңға орта салмақта WBO чемпионы Деметриус Эндрейд (27-0, 17 KO) поляк Мацей Сулецкимен (28-1, 11 KО) шығуы мүмкін.