«Astana Arlans»-«Hussars Poland» - 4:1

<div style="text-align: justify;"> <strong>Дүниежүзілік бокс сериясы аясындағы топтық кезеңнің соңғы кездесуінде &laquo;Астана арландары&raquo; польшалық &laquo;Poland Hussars&raquo; командасымен кездесті.</strong></div> <div style="text-align: justify;"> &nbsp;</div> <div style="text-align: justify;"> Алматыдағы "Балуан Шолақ" атындағы спорт кешенінде алдымен шаршы алаңға жеңіл салмақтағы боксшылар шықты. 52 келіде<strong> Ілияс Сүлейменов </strong>қарсыласы Гжегорж Козловскийге ешқандай мүмкіндік бермей өз командасын есепте алға шығарды.&nbsp;</div> <div style="text-align: justify;"> &nbsp;</div> <div style="text-align: justify;"> Кейін шаршы алаңға 60 келі салмақ дәрежесіндегі былғары қолғап шеберлері шықты. Аталған салмақта басында Берік Әбдірахманов шығуы керек еді, бірақ "Арландардың" бас бапкері Сергей Корчинский соңғы сәтте өзгеріс енгізіп, <strong>Ғани Жайлауовқа </strong>алғашқы жекпе-жегін өткізуге мүмкіндік берді. Жерлесіміз польшалық Павел Михелиуспен қолғап түйістірді. Бес раундқа созылған жекпе-жекте отандасымыз басым жеңіске қол жеткізді - 2:0.</div> <div style="text-align: justify;"> &nbsp;</div> <div style="text-align: justify;"> 69 келі салмақ дәрежесіндегі Әлем чемпионы Данияр Елеусінов &nbsp;Жора Симонянмен жұдырықтасты. Бұл жекпе-жекте алғаш рет "Арландар" сапында жұдырықтасқан&nbsp;<strong>Данияр Елеусінов</strong> қарсыласынан әлдеқайда мықты болып өз командасына жеңіс сыйлады - 3:0.</div> <div style="text-align: justify;"> &nbsp;</div> <div style="text-align: justify;"> 81 келі салмақта Олимпиада ойындарының және Әлем чемпионатының екі дүркін күміс жүлдегері <strong>Әділбек Ниязымбетов</strong> алғашқы жекпе-жегін поляк боксшы Казюж Зыциньскийге қарсы өткізді. Отандасамыз қарсыласынан басым түсті - 4:0.&nbsp;</div> <div style="text-align: justify;"> &nbsp;</div> <div style="text-align: justify;"> Ал кештің соңғы кездесуінде, аса ауыр салмақта (+91 келі) Астана Арландары намысын украиналық боксшы<strong> Армен Симонян</strong> қорғады. Ол Поляк командасының украиналық боксшысы Сергей Вервейкомен кездесіп, өкінішке қарай үшінші раундта техникалық нокаутпен ұтылып қалды. Қорытынды есеп - 4:1.</div> <div> &nbsp;</div>