Айгүл Қуанышева: «Денистің жеңісі – Қазақстанның жеңісі»

<p style="text-align: justify;"> <strong>Осыдан бірер жыл бұрын Қазақстанда мәнерлеп сырғанаудың даму деңгейі көңіл көншітпейтін. Қазақстан - &laquo;сырғанай алмайтын&raquo; мемлекеттер қатарында болған еді. Ал бүгінгі таңда, дарынды спортшымыз Денис Теннің арқасында мемлекетімізге деген көз қарас мүлдем өзгерді.&nbsp;</strong></p> <p style="text-align: justify;"> Денис Тен - отандық мәнерлеп сырғанау спортының символына айналды десек артық айтқанымыз емес. Ол Қазақ спорты тарихында олимпиадалық медаль еншілеген тұңғыш мәнерлеп сырғанаушы.&nbsp;</p> <p style="text-align: justify;"> Жас спортшымыздың алғашқы бапкері Айгүл Қуанышева &laquo;PROСПОРТ Казахстан&raquo; тілшісіне Сочиде өткен олимпиада жайлы баяндап, Денистің көрсеткен өнеріне баға берді.</p> <p style="text-align: justify;"> -<strong> Айгүл Қамысбайқызы, Ақ Олимпиадада Денистің көрсеткен өнеріне баға берсеңіз...</strong></p> <p style="text-align: justify;"> - Денис кез келген жарысқа тыңғылықты дайындалып үлкен&nbsp;жауапкершілікпен аттанады. Олимпиадаға бір күн қалғанда Қазақстан Республикасының бас бапкері Құралай Ұзұровамен бірге спортшымыздың 2 жаттығуына қатысып, оның Олимпиадаға жақсы дайындықпен келгеніне көз жеткізген болатынбыз. Бірақ, қысқа бағдарламадан кейін Денис 9-шы нәтиже көрсетіп, барлығымыз уайымдадық. Тіпті кейбір жанкүйерлерміз &laquo;енді медальға үмітіміз жоқ&raquo; деп қамықты, Денистің жеңісіне сенбеді. Бірақ біз сендік, үмітімізді үзбедік. Еркін бағдарламадан соң үлкен өзгерістер болатынын білдік, ал Денистің еркін бағдарламасы эмоционалды тұрғыдан өте мықты болатын.</p> <p style="text-align: justify;"> <strong>- Қысқа бағдарламадан кейін Денис 13-ші болып өнер көрсетті. Әлгі сан &laquo;сәтті&raquo; болғаны ғой?&nbsp;</strong></p> <p style="text-align: justify;"> - Білесіз бе, 13-ші нөмір Денистің өмірінде жиі кездеседі: туылған күні де 13-і және дәл осы реттік санмен ол көптеген жарыстардың жеңімпазы атанған болатын. Біз еркін бағдарламаны тамашалауға бара жатқан кезімізде алдымыздан Кеңес Одағының еңбек сіңірген бапкері Май Ундеевич Хванды кездестірдік. Ол кісі: &laquo;Денистің жолы болсын деп мына менің алтын медалімді беремін&raquo;,- деп алқасын сыйлады. Мен медальді тағып, оны жақсылықтың нышаны деп білдім.&nbsp;</p> <p style="text-align: justify;"> <strong>- Нәтиже белгілі болғанда кандай сезімде болдыңыз?</strong></p> <p style="text-align: justify;"> - Денистің, басқа спортшыларға қарағанда, бағдарламасын таза&nbsp;орындап шыққаны қуантты. &laquo;Алтын&raquo; спортшымыз Олимпиада жүлдегері атанғанын білгенде қуанышымызда шек болмады. Ұзақ жылдар бойы атқарылған үлкен жұмыстың нәтижесі деп білеміз, Денистің ата-анасы мен барлық жаттықтырушыларының арқасы. Бұл Денистің жеңісі - бүкіл Қазақстан жеңісі!</p> <p> &nbsp;</p> <p> &nbsp;</p>