Пухкало әлем чемпионатында 50-ші орын алды

Австрияның Зеефельд қаласында шаңғы спорт түрлерінен әлем чемпионаты жалғасуда. 15 шақырымға классикалық әдіспен жарысқан ерлер арасындағы сынға Алексей Полторанин қатысқан жоқ. 

Қазақстан командасының мүшесі Виталий Пухкало 50-ші орын алса, Денис Волотка 51-ші, Олжас Климин 60-шы орыннан көрінді. 

Классикалық әдіспен жарысудан норвегиялық Мартин Йонсруд Сундбю жеңімпаз атанды. Ресейлік Александр Бессмертных күміс, финляндиялық Ийво Нисканен қола жүлдегер.