Федерация кубогы: Зарина Дияс жеңіп, Қазақстан құрамасын алға шығарды

Федерация кубогы аясында Астана қаласында Қазақстан қыздар құрамасы Қытаймен кездесу өткізіп жатыр, деп хабарлайды Proports.kz.

<span>Азия/Океания аймағындағы А және В тобында бірінші орын алған Қазақстан мен Қытай құрамалары ІІ Әлемдік топтың плей-офф жолдамасын сарапқа салуда.</span>

<span>Алғашқы болып кортқа шыққан Зарина Дияс қытайлық теннисші Чжан Сайсайды жеңіп, Қазақстан құрамасын алға шығарды.</span>

<span>1 сағат 37 минутқа жалғасқан кездесу 6:3, 6:2 есебімен аяқталды.</span>

<span>Ендігі кезекте Юлия Путинцева қытайлық Чжан Шуаймен кездеседі. Одан кейін Анна Данилина/Галина Воскобоева жұбы Сюй Ифань/Ван Яфань жұбына қарсы тұрады.</span>