Сергей Данов сәтсіз өнер көрсетті

Швецияның Оре қаласында тау шаңғысынан кезекті әлем чемпионаты өтіп жатыр деп хабарлайды Olympic.kz.

Ерлер арасындағы супергигант бәсекесіне қазақстандық Сергей Данов та қатысқан болатын.

Біздің спортшы іріктеу кезінде 51-ші орыннан көрінді. Кейін төрешілер екі спортшыны жарыстан шеттеткен соң, Данов 49-шы орынға жайғасты. 

Супергигант додасында италиялық Доминик Парис топ жарды. Күміс жүлдені француз Жоан Кларэ иеленсе, қола медаль Винсент Кричмайрдың еншісінде.