«Канелоның» промоутері: Головкинді нокаутқа жібереміз

<span>Мексикалық боксшы Сауль Альварестің промоутері Оскар де ла Хойя Геннадий Головкинге қарсы үшінші жекпе-жек туралы жаңа мәлімдеме жасады, деп хабарлайды Prosports.kz сайты ҚазАқпаратқа сілтеме жасап.<span class="Apple-converted-space"> </span></span>

<span>Де ла Хойяның тағы бір клиенті - Хайме Мунги бірінші орта салмақтағы әлем чемпионы титулын сәтті қорғап шыққаннан кейін тілшілер промоутерден «Канело» - GGG ықтимал трилогиясы жөнінде сұрады.<span class="Apple-converted-space"> </span></span>

<span>«Сіздерді сендіріп айтамын, үшінші жекпе-жек болады. Бұл жолы «Канело» оны нокаутқа жібереді», - деді Оскар де ла Хойя Houston Chronicle Online Sports журналисіне берген сұхбатында.<span class="Apple-converted-space"> </span></span>

<span>Еске сала кетейік, 2017 жылдың қыркүйегінде өткен алғашқы жекпе-жек даулы тең нәтижемен аяқталған еді. Араға тура бір жыл салып өткізілген рематчта төрешілер жеңісті «Канелоға» берді.</span>