Хабиб: Головкинмен жекпе-жек пе? Ол – нағыз жыртқыш

UFC чемпионы Хабиб Нурмагомедов боксшылардан кіммен жекпе-жек өткізгісі келетінін айтты, деп хабарлайды Prosports.kz.

«Бокстағы жас арыстандарға келер болсақ, олармен бәсекелесу қиындау. Канело немесе Головкин – нағыз жыртқыштар. Бірақ Мейвезер қазір қартайды, 41-42 жасқа келді. Алайда, ол өте танымал. Онымен неге жұдырықтаспасқа? Ол өте кәрі және денесі өте кішкентай. Менің болашағым үшін онымен кездесу дұрыс шешім болар еді», - деді Хабиб.

Айта кетейік, Мейвезер бұған дейін де ММА өкілімен жекпе-жек өткізген болатын. Ол бокс ережесімен кездесуде Конор Макгрегорды нокаутпен ұтқан еді.