Зәуірбек пен Ажбенов келесі жекпе-жектерін қашан өткізетіні белгілі

Қазақстандық боксшылар Сұлтан Зәуірбек (3-0, 2 КО) пен Нұртас Ажбенов (2-0, 1 КО) келесі жекпе-жектерін 22 ақпанда өткізеді, деп хабарлайды Prosports.kz.

MTK Global менеджерлік компаниясының ақпаратына сүйенсек, қазақстандық боксшылар кезекті рет рингте Лондондағы York Holl аренасында шығады. Боксшылардың қарсыластары кім болатыны белгісіз.

Айта кетейік, Зәуірбек пен Ажбенов соңғы рет былтыр 14 желтоқсанда жекпе-жек өткізіп, екеуі де өз қарсыластарын бірінші раундта нокаутпен жеңді.