Путинцева Сиднейде екінші айналымға шықты

Сиднейде (Аустралия) WTA турнирінің бірінші айналымында қазақстандық Юлия Путинцева мен жергілікті Дарья Гаврилова күш сынасты, деп хабарлайды Prosports.kz.

Путинцева қарсыласын екі сетте ұтты – 6:1, 7:6 (7:4).

Матч 1 сағат, 42 минутқа созылған. Юлия бес брейк-пойнттың үшеуін орындай алды.

Енді қазақстандық теннисші келесі айналымда Слоан Стивенс/Екатерина Александрова жұбының жеңімпазымен кездеседі.

Айта кетейік, Сиднейдегі турнирдің жүлдеқоры 828 мың долларды құрайды.