«Қайраттың» бапкері әлемдегі үздіктер тізіміне енді

Алматылық «Қайрат» футзал клубының бас бапкері Пауло Рикардо Кака әлемдегі үздік бапкерлер тізіміне енді, деп хабарлайды Prosports.kz.

Бразилиялық маман UMBRO Futsal Awards сауалнамасында екінші орын алды. Одан испаниялық «Интердің» бапкері Хесус Веласко ғана озып кетті.

Айта кетейік, Кака 2018 жылы өзінің бұрынғы клубы «Газпром-Юграмен» бірге Ресей чемпионаты мен Кубогын жеңіп алды. Ал кейін «Қайраттың» тізгінін ұстап, Чемпиондар лигасының төрттік финалына шықты.