Головкин кезекті жеңісіне қол жеткізді

<p style="text-align: justify;"> <strong>WBO бойынша кәсіпқой бокстан әлем чемпионы қазақстандық Геннадий Головкин кезекті, 29-шы жеңісіне қол жеткізді. Африкалық &laquo;қарамаржан&raquo; Осуман Адамамен кездескен жерлесіміз қарсыласын 7-ші раундта техникалық нокаутпен ұтты.&nbsp;</strong></p> <p style="text-align: justify;"> Осылайша Головкин WBA тұжырымдамасы бойынша чемпиондық белбеуін оныншы рет, IBO тұжырымдамасы бойынша чемпиондық белбеуін жетінші рет қорғап отыр.</p> <p style="text-align: justify;"> 12 раундқа жоспарланған жекпе-жекті төреші 7-ші раундта тоқтатуға мәжбүр болды. Алғашқы раундта қарсыласын бір құлатып алған Геннадий алтыншы және жетінші раундтарда Адаманы тағы екі рет ногдаунға жіберді. Ал, төртінші ногдауннан кейін ганалық боксшының жекпе-жекті жалғастыруға шамасы келмей, Головкиннің есебіне техникалық нокаут жазылды.</p> <p style="text-align: justify;"> 31 жасар жерлесіміз осымен 29 рет шаршы алаңға шығып, оның барлығында да жеңіске жетіп отыр. Ал, нокауттар саны 26-ға жетті. Геннадий кезекті жекпе-жегін сәуір айында өткізуі мүмкін.&nbsp;</p> <p style="text-align: justify;"> <iframe allowfullscreen="" frameborder="0" height="315" src="//www.youtube.com/embed/tOApLLAZrl4" width="600"></iframe></p>