Галышева әлем кубогының кезеңінде екінші болды

Финляндияның Рука қаласында өткен фристайл-могулдан әлем кубогы кезеңінде қазақстандық Юлия Галышева күміс медаль иеленді деп жазады Olympic.kz.

Финалда жерлесіміз 80.17 ұпаймен екінші орын иеленді. Бірінші сатыда франциялық Перрин Лаффон. Ол 82.26 ұпай жинады. Үздік үштікті америкалық Тесс Джонсон қорытындылады.

Сондай-ақ, ерлер арасында сынға түскен Дмитрий Рейхерд бесінші орыннан көрінді.

Еске сала кетейік, Юлия Галышева 2018 жылдың қорытындысы бойынша қысқы спорт түрлерінен үздік спортшы атанды.