Елеусінов BoxRec рейтингісінде 48 сатыға көтерілді

Қазақстандық боксшы Данияр Елеусінов беделді BoxRec.com сайтының рейтингісінде бірнеше орынға жоғарылады.

Айта кетейік, Данияр Монте-Карлода никарагуалық Маркос Мохиканы үшінші раундта техникалық нокаутпен жеңген болатын.

Осы кездесуден соң Елеусінов жартылай орта салмақта бірден 48 сатыға жоғарылап, енді 184-ші орынға табан тіреді.

Айта кетейік, Данияр Елеусінов кәсіпқой бокста бес жекпе-жек өткізіп, бәрін жеңіспен аяқтады. Оның үшеуін нокаутпен тәмамдаған.