Дина Жоламан 1/8 финалға шықты

Үндістанда әйелдер боксынан әлем чемпионатының іріктеу кезеңі жалғасуда. Әзірге, үш қазақстандық боксшы келесі айналымға өтті деп хабарлайды Olympic.kz. 

Бүгін жарысты 1/16 айналымнан бастаған Дина Жоламан (54 келі) жапондық Хирута Мизукиді жеңді.

Төрешілер жеңісті бірауыздан Динаға беріп, қазақстандық боксшы 1/8 кезеңге жолдама алды. 

Кеше Жайна Шекербекова (51 келі) мен Назым Ищанова (57 келі) алғашқы қарсыластарынан басым түскен еді.