Сұлтан Зауырбек кәсіпқой бокста кездесу өткізеді

Қазақстандық Сұлтан Зауырбек кәсіпқой бокстағы алғашқы жекпе-жегінің алдында салмақ өлшеу рәсімінен өтті.

Ұлыбританияда өтетін бокс кешінде отандасымыз никарагуалық Хосе Агилармен (16-52-4) жұдырықтасады. Жекпе-жек екінші жартылай жеңіл салмақта өтпек.

Сонымен қатар, Лондондағы айтулы бокс мерекесінде тағы бір отандасымыз Нұртас Ажбенов та шаршы алаңға шығады. 24 жастағы қазақстандыққа Никарагуаның азаматы Элигио Хосе Паласиос Парралес (7-31-5) қарсы тұрмақ. Жекпе-жек 4 раундқа белгіленген.