Нұрислам Санаев - әлем чемпионатының күміс жүлдегері

Венгрия астанасы Будапешт қаласында күрес түрлерінен әлем чемпионатының үшінші жарыс күні аяқталды, деп хабарлайды Prosports.kz.

Бүгін бозкілемге еркін күрес шебері Нұрислам Санаев шыққан. Қазақстандық балуан финалдық сында ресейлік Завур Угуевке қарсы белдесті. Тартысқа толы өткен жекпе-жекте ресейлік спортшы басым болып, 4:3 есебімен жеңіске жетті. 

Осылайша Нұрислам Санаев 57 келіге дейінгі салмақта әлем чемпионатының күміс жүлдесіне ие болды.