Қазақстандық теннисшілер Францияда өтетін турнирге қатысады

<span>Қазақстандық теннисшілер Сандуғаш Кенжебаева мен Ерасыл Ерділдә келесі жылы Францияның Тарбе қаласында өтетін Les Petits As (14 жасқа дейінгі бейресми әлем біріншілігі) жарысына жолдама алды, деп жазады 24.kz.</span>

<span>Индонезияның Бали аралында өткен Asia play-offs Lacoste ТОР5 турнирінің іріктеу кезеңінде қазақстандық теннисшілер үздік нәтиже көрсетті. Қазақстандық қыз жарыстың финалына жетіп, шешуші кездесуде қытайлық Тайбэй елінен келген Лин Ли-Хсинге 3:6, 2:6 есебімен есе жіберіп алды. </span><span>Ал бүгін Ерділдә үшінші орын үшін таласта үндістандық Нитиса Латхуды 4:6, 6:3, 6:4 есебімен тізе бүктірді. </span>

<span>Айта кетейік, біздің теннисші қыз Сандуғаш Кенжебаева жарыс ұйымдастырушыларынан Патри Муратоглудың теннис академиясына жолдама алды. Les Petits As – жасөспірімдер туринирі (14 жасқа дейінгі) 1983 жылдан бері Тарбе қаласында жабық корттарда өткізіліп келеді. Les Petits As жеңмпаздары арасында Хуан-Карлос Ферреро және Рафаэль Надаль сынды ракеткалар бар.</span><br /><br /><br />