«Ақжайық» «Универсалдан» басым түсті

<p> <strong>Допты хоккейден Ресей чемпионатында өнер көрсететін Оралдың &laquo;Ақжайық&raquo; командасы &nbsp;өз мұз айдынында Саратовтың &laquo;Универсалын&raquo; қабылдады.</strong></p> <p> Жаңа жылдағы алғашқы ойынын Дмитрий Иванников баптайтын батысқазақстандықтар барынша жинақы өткізіп, 6:3 есебімен жеңіске жетті. Әсіресе, команда капитаны әрі сұрмергені, Қазақстан ұлттық құрамасының мүшесі Ескендір Нұғманов хет-триктің авторы атанып, осы маусымда соққан доп санын 23-ке жеткізді. Сондай-ақ Александр Шавалдин, Петр Грибанов, Самат Аманшин қонақтар қақпасын дәл көздеді.</p> <p> Бұл ойыннан кейін 30 ұпай жинаған оралдықтар екінші топта көш басындағы &laquo;СКА-Свердловск&raquo; (Екатеринбург) командасын қуып жетті. 9-шы қаңтар күні &laquo;Ақжайық&raquo; пен &laquo;Универсал&raquo; командалары екінші ойынын өткізеді.</p>