Дамир Тойбай - жасөспірімдер Олимпиадасының күміс жүлдегері

Бүгін Буэнос-Айрес төрінде боксшыларымыз алтын медаль үшін күресіп жатыр, деп жазады Prosports.kz.

Негізгі ақтық сынға үш бірдей боксшымыз жолдама алған болатын. 

Қазақстандық боксшылар арасынан алғаш болып шаршы алаңға шыққан <span>91 келіден жоғары салмақта өнер көрсететін Дамир Тойбай ресейлік боксшыға жол берді. Біздің өкінішімізге орай, бес төрешінің төртеуі Алексей Дроновты жеңімпаз деп таныды.</span>

Алда тағы екі боксшымыз финалда бақ сынайды. Олар 91 келіде өнер көрсететін Айбек Оралбай мен 64 келіде жұдырықтасатын Талғат Шәйкен.

Бұлардан бөлек бұрымды боксшымыз <span>Надежда Рябец (69-75 келі) қола жүлде үшін Алжир спортшысы Ичрак Чаибпен жұдырықтасады.</span>