Германиялық қазақ Нәби Филиз «Ордабасымен» жаттығуда

<p> <strong>Шымкенттің &laquo;Ордабасы&raquo; командасы Түркияның Белек қаласында оқу-жаттығу жиындарын бастап кетті. Мұнда ойыншылар физикалық, техникалық тұрғыда жан-жақты дайындалып, өздерінің шеберліктерін пысықтауда. Команданың бас бапкері Виктор Пасулько командаға арнайы шетелдік екі футболшыны шақыртып олардың шеберліктерін байқауда. Украинаның &laquo;Кривбасс&raquo; командасында ойнаған словениялық жартылай қорғаушы Дариян Матич пен германиялық қазақ футболшы Нәби Филиз команда құрамында сынақтан өтуде.</strong></p> <p> Бавария мектебінің өкілі, 24 жасар Нәбимен бүгінгі жаттығудан кейін сөйлескен едік.</p> <p> <strong>- &laquo;Ордабасының&raquo; жаттығуларына қатысқаныңа 2 күн болды. </strong><strong>Команда қалай қарсы алды сені?</strong><br /> - Жігіттер жақсы қарсы алды. Барлығы кішіпейіл, жылы сөйлеседі. Құрметпен қарауда.</p> <p> <strong>- Жігіттермен қай тілде сөйлесудесің? Оларға да қызық шығар Германия қазағын көру?</strong><br /> - Аздап қазақша, аздап ағылшынша сөйлесеміз. Иә, Германия футболы туралы сұрайды. Бірақ жаттығулардан көп уақыт болмай жатыр. Кейін уақыт болғанда ашылып сөйлесерміз.</p> <p> <strong>- Сенің позицияңда сен сияқты солақай, команда капитаны Қайрат Әшірбеков ойнайды. Таныстың ба капитанмен?</strong><br /> - Командадағылармен толығырақ танысуға уақыт болмай жатыр. Қазір тек қысқаша таныстық бәрімен.</p> <p> <strong>- Қазіргі формаң, дайындығың қалай?</strong><br /> - Жаман емес. Ешқандай жарақатым жоқ, жалпы дайынмын.</p> <p> <strong>- Қазақстандық басқа командалардан да саған қызығушылық бар екенін білесің бе? </strong><strong>&laquo;</strong><strong>Ордабасыдан</strong><strong>&raquo;</strong><strong> басқа шақыру алдың ба?</strong><br /> - Жоқ, тек &laquo;Ордабасы&raquo; ғана жаттығуға шақырды. Түркиялық бір командадан шақыру алдым желтоқсан айында. Бірақ менің алғашқы таңдауым қазақ командасы. Атажұртта ойнағым келеді. Әр нәрсенің бір қайыры болады. Алла қаласа ойнап қалармын.</p> <p> <strong>- Егер Қазақстанда ойнайтын болсаң Қазақстан азаматтығын алар ма едің?</strong><br /> - Ешқандай ойланбастан алар едім. Қаным қазақ қой. Еуропада болсын, басқа жерде болсын үнемі қазақ екенімді мақтанышпен айтамын.</p> <p> <strong>- Рахмет сұхбатыңа. Сәттілік тілеймін!</strong></p> <p align="right"> <strong>Сұхбаттасқан Аршат Оразов</strong></p>