Сочи Олимпиадасына билеттер сатылымы басталды

<p> <strong>Қысқы Олимпиада ойындарына билеттер 8 қаңтарға дейін сатылады. Жарыстар мен Салтанатты ашылу және жабылу кезіне билеттер ресми tickets.sochi2014.com сайтынан алуға болады, деп хабарлайды sochi2014.com.</strong></p> <p> &laquo;Билеттер құны 2340 теңгеден басталады (500 рубль). Ресми сайтта жанкүйерлер басқа жанкүйерлердің билетін сатып алуына болатын Fan2Fan парақшасы ашылды. Fan2Fan - басқа көрерменнің билетін заңды түрде сатып алуға болатын жалғыз ресми он-лайн парақша&raquo;, - деп хабарлайды Сочи-2014 ұйымдастыру комитетінің баспасөз орталығы.</p> <p> &laquo;Сочи 2014&raquo; билет бағдарламасы қысқы ойындар тарихында спорт түрінің көптігі және ойындар қатарына қосылған жаңа жарыстар саны бойынша ең ауқымдысы.</p> <p> 1 желтоқсанда Ресейдің Сочи қаласында өтетін Олимпиада және Паралимпиада ойындарына келетін туристерге жеңілдетілген виза беру тәртібі енгізілген. Виза алу .үшін дүниежүзіндегі ресейлік елшіліктерде ашылған &laquo;Олимпиада терезесіне&raquo; өтініш беру керек. Ресей визасын алу үшін кезекке тұрудың қажеті жоқ әрі аялдайтын қонақүйді белгілеу талап етілмейді. Виза алуға берілген өтініш қысқа мерзім ішінде қаралады, деп хабарлайды Baq.kz.</p> <p> &laquo;Виза алушы адам қысқы ойындар мен спорт жарыстарына қатысатындығын нақтылауы тиіс. Бұл үшін жарыс немесе ашылу салтанатының билетін, болмаса жанкүйер құжатын ұсынуы керек&raquo;, - делінген хабарламада.</p>