WBC боксшыларды жекпе-жек күні өлшенуге міндеттейді

Бүкіләлемдік бокс кеңесі (WBC) боксшыларға жекпе-жек күні де салмақ өлшеу рәсімін енгізуі мүмкін.

Қазіргі таңда боксшылар жекпе-жекке бір күн қалғанда, сондай-ақ бір апта және бір ай бұрын салмақтарын өлшейтін еді. Алдағы уақытта жекпе-жек болатын күні және екі апта қалғанда салмақ өлшеу рәсімі қосылуы мүмкін.

Боксшылар жекпе-жек күні келісімшартта көрсетілген салмақтың он пайызынан артық жинауына тыйым салынады. Жаңа ережелер келер жылдың алғашқы күнінен қолданысқа енеді деп жоспарланып отыр.