Дамир Тойбай: Олимпиадада еліміздің жалауын алып жүру асқан жауапкершілік

<span lang="KZ">Бүгін Аргентина астанасы Буэнос-Айрес қаласында болатын III Жасөспірімдер арасындағы жазғы Олимпиада ойындарына қатысатын еліміздің спорттық делегациясын ресми шығарып салу рәсімі өтті. Салатанатты жиынға Сидней Олимпиадасының жеңімпазы Ермахан Ибраимов, Спорттық жекпе-жек және күш қолданылатын спорт түрлері конфедерациясының Бас директоры Елдос Рамазанов, Ұлттық Олимпиадалық Комитетінің Спорт дирекциясы директоры Елсияр Қанағатов, ҚР Мәдениет және спорт вице-министрі Сәкен Мұсайбеков және тағы басқалар қатысты. </span><span lang="KZ">Бокстан ҚР жастар құрамасының мүшесі Дамир Тойбай КБФ сайтына сұхбат берді.</span>

<span lang="KZ">- Дамир! Қанша жылдан бері бокспен айналысасың? Өзіңді оқырмандарымызға таныстыра кетсең?</span>

<span lang="KZ">Бокспен 9 жасымнан бастап айналысамын. Үйде үш баланың үлкенімін. 2000 жылы Алматы қаласында дүниеге келдім. Алғаш рет бокс үйірмесіне анам жетектеп апарды. Тастап кетпей тапжылмай жаттыққанымның арқасында Қазақстан чемпионы болдым. Кейін Азия ойындарында жеңімпаз атандым. Биыл Будапешт қаласында Әлем чемпионатының күміс жүлдесіне қол жеткіздім.</span>

<span lang="KZ"><span> </span>- Аргентинада болатын жастар олимпиадасына жолдаманы қалай алдың?</span>

<span lang="KZ">Осы соңғы Азия чемпионатында финалға шығып жеңімпаз болуымның арқасында Аргентинаға жолдама алып отырмын. Бапкерлер 6 баланың ішінен тек 3 таңдады. Енді жаттықтырушылардың сенімін ақтаймыз деп ойлаймын.</span>

<span lang="KZ">- Көбіне осындай жарыстарға аттанғанда өзіңмен бірге дәстүрлі түрде тастамай алып баратын затың бар ма?</span>

<span lang="KZ">Шет елге жарысқа аттанарда өзіммен бірге қазы пісіріп алып жүремін. Өйткені, шет мемлекетте жүріп үйдің тамағын аңсайсың. Жылқы еті адамға күш береді, бойыңдағы қуатыңды молайтады және ең бастысы салмақ қоспайды.</span>

<span lang="KZ">- Қай елдің өкілдерін мықты қарсылас санайсың?</span>

<span lang="KZ">Ешкімді бөліп жара алмаймын. Барлығы да мықты. Әр кездесуге, әр қарсыласқа тыңғылықты әзірлік жүргіземіз. Соңғы Әлем чемпионатының финалында ресейлік боксшымен шықтым. Өзімді жеңілдім деп айта алмаймын.</span>

<span lang="KZ">- Қазір дайындығың қалай?</span>

<span lang="KZ">Аға жаттықтырушымыз жақсы дайындады. Маңызды ақыл-кеңестер беріп, әдіс-тәсілдерді үйретті. 100 пайыз дайынмын деп айта аламын.</span>

<span lang="KZ">- Олимпиадада еліміздің жалауын алып жүру өзіңе бұйырды? Күтпеген шығарсың?</span>

<span lang="KZ">Шынымен де мен үшін күтпеген жағдай болды. Бұл үлкен жауапкершілік. Сондықтан жарыста барымды саламын. Мақсат алтын алу. Ең басты жоспарым осы.</span>