Канело рематчта Головкин ұтты дегендерге жауап берді

Мексикалық боксшы Сауль Альварес қазақстандық Геннадий Головкинмен екінші жекпе-жектің әділ өтпегені туралы айтып, «Головкинн жеңуі тиіс еді» дегендерге жауап берді, деп жазады Stan.kz.

Twitter-де  шетелдік тілшілердің бірі «Канелоға» сұрақ жолдаған.

«Головкиннің жеңісін армандап, шағымданғандар әлі шағымданып жүр. Мұндай адамдармен не істейміз?» – деп жазған тілші.

Өз кезегінде Альварес тілшінің желідегі сұрағына жауап берді.

«Олар әрі қарай да шағымданып жүре берсін. Олар өмір бойы шағымданып өтеді», – деп жазды Альварес.

Айта кетсек, 16 қыркүйекте Лас-Вегастегі T-Mobile Arena-да 12 раундқа жоспарланған Головкин-“Канело” жекпе-жегі толық өтті. Кездесуде кімнің жеңіске жеткенін төрешілер шешіп, ұпай саны бойынша жеңісті Сауль Альвареске берді (115-113, 115-113, 114-114). Осылайша, отандасымыз  Геннадий Головкин спорттық мансабында алғаш рет жеңіліс тауып, орта салмақ дәрежесіндегі WBA Super, WBC және IBO нұсқалары бойынша чемпиондық белбеулерінен айырылды.