GGG - «Канело»: Ресми салмақ өлшеу рәсімі өтті

Орта салмақта WBC, WBA (Super) және IBO тұжырымдары бойынша әлем чемпионы Геннадий Головкин (38-0-1, 34 КО) мен мексикалық Сауль Альварес (49-1-2, 34 КО) арасындағы екінші жекпе-жек алдында ресми салмақ өлшеу рәсімі өтті, деп хабарлайды Prosports.kz.

Таразында Головкин 159,6 фунт (72,333 келі), Альварес - 159,4 фунтты көрсетті. Қазақстандық боксшы қарсыласынан 91 грамм ауыр болды. Осылайша Головкин мен Альварес орташа салмақ лимитінен асып кеткен жоқ. Ол - 160 фунт (72,5 келі).

Fué @Canelo el provocador. Muy gallito no. Mañana lo será ? pic.twitter.com/s2XdLcPUyC

— FERNANDO SCHWARTZ #másfuerteqnunca (@fersch_4) 2018年9月15日

Қос боксшы дәстүрлі көз түйістіру сәтінде жекпе-жектен бұрын жұдырық сілтесе жаздады. Боксшылар мен қатар олардың командасы да өзара жаға жыртыса жаздады. Абырой болғанда, ұйымдастырушылар дер кезінде екі тарапты тоқтатып үлгерді.