Жантіл Өмірбайдың келесі жекпе-жегі қашан өтетіні белгілі болды

Қазақстандық боксшы Жантіл Өмірбай келесі жекпе-жегін қашан өткізетінін айтты.

Жантіл кәсіпқой рингтегі алғашқы жекпе-жегін 19 тамызда Мәскеуде өткізіп, ресейлік Виктор Селезневті бірінші раундта нокаутқа түсірген болатын.

«Келесі кездесуімді тезірек өткізгім келеді. 8 қыркүйекте Сан-Петерборда рингке шығамын. Бәрі қолымнан келеді деп сенемін. Әрине, нокаутпен аяқтауға тырысамын. Қандай да бір белбеу ұтып алғанша тоқтамаймын», - деді Өмірбай AllFight.Ru-ға берген сұқбатында.