Асланбек Шымбергенов финалда өзбек боксшысынан ұтылды

Джакартадағы Азия ойындарында бокс жарысынан финалдық жекпе-жектер өтіп жатыр.

69 келіге дейінгі салмақта сынға түскен Асланбек Шымбергенов финалда өзбекстандық Бобо Усман Батыровпен қолғап түйістірген.

Өкінішке қарай, жекпе-жектің қазылары бұл кездесуде Батыров жеңіске жетті деп санады. Есеп – 1:3. Осылайша, Асланбек Шымбергенов Азиаданың күміс жүлдегері атанды. 

Айта кетейік, Азия ойындарында еліміздің намысын он боксшы қорғаған. Оның екеуі ғана финалға шыға алды.