Бейбіт пен Бернард

<p style="text-align: justify;"> <strong>Кәсіпқой бокстан WBA нұсқасындағы жартылай ауыр салмақтағы супер-чемпион атағының иегері Бейбіт Шүменов таяуда АҚШ-тың Сан-Антонио қаласында словакиялық Тамаш Ковачты ұрып жыққаны белгілі.&nbsp;Осы жеңістен кейін қандасымыздың беделі артып, көптеген белді боксшылар онымен күш сынасуға ниет білдіруде. </strong></p> <p style="text-align: justify;"> Солардың арасында АҚШ-тың әйгілі боксшысы, ІВҒ нұсқасындағы әлем чемпионы Бернард Хопкинс те бар. Бернардты біз жақсы білеміз. 1965 жы&shy;лы АҚШ-тың Филадельфия штатында туып-өскен бұл жігіттің өмірі шытырман оқиғаларға толы. 13 жасынан ол адам тонаумен айналысып, үш рет пышаққа түсті. 17 жасқа толған шағында түрмеге қамалды. Қапастан босағаннан кейін Ислам дінін қабылдап, дұрыс жолға түсті. Боксты серік етіп, талай белесті ба&shy;ғындырды. 1988 жылы кәсіпқой ринг&shy;тегі алғашқы жекпе-жегін өткізді. Алайда Хопкинс тұсаукесер бәсекеде-ақ ұтылып, біраз уақыт үлкен спорттан қол үзіп кетті. Сол уақыттан бері 64 рет шаршы алаңға шығып, 54 рет жеңіске жетті. 6 рет ұты&shy;лып, 2 рет тең түсті. Тағы екі кездесу есеп&shy;ке алынбады. 32 қарсы&shy;ла&shy;сын есінен тандырды.&nbsp;</p> <p style="text-align: justify;"> Алғашында Бернард орта салмақта әлем чемпионы атанса, одан кейін жар&shy;тылай ауыр салмақта топ жарды. Әр жыл&shy;дары ол Дэнни Митчелл, Глен Джонсон, Феликс Тринидад, Уильям Джоппи, Оскар де ла Хоя, Антони Тар&shy;вер, Келли Павлик, Рой Джонс, Жан Паскаль және тағы басқа саңлақтарға сан соқтырды. Хопкинстің есімі әлем чемпионы атанған ең қарт боксшы ретінде де тарихта қалды. Мәселен, соңғы рет ол Стив Смогорды сабағанда 48 жаста болатын. 2014 жылдың 15 қаңтарында Бернард 49 жасқа толады. Десек те АҚШ боксшысы әлі де бабында. Егер Бейбіт пен Бернард күш сынасатын болса, бұл кездесу көпшіліктің керемет қызығушылығын тудыратыны айдан анық.&nbsp;</p> <p> &nbsp;</p>