Азиада-2018. Қазақстандық миксшілер қола медаль алды

Теннистен қазақстандық жұп миксте жартылай финалда Таиландтан ұтылып, қола медаль иеленді.

Қазақстандық миксшілер Александр Недовесов пен Анна Данилина алғашқы сетте жеңіске жеткен.

Алайда екінші сет пен чемпиондық тай-брейкте қарсыласына жол берді – 6:4, 3:6, 10:12.

Айта кетейік, бүгін Айнитдинова пен Данилина әйелдер арасындағы жұптық сында қола медаль ұтып алған. Кейін Недовесов пен Евсеев күміс жүлдеге қол жеткізді.