Жетінші медаль: Кирилл Казанцев маунтинбайктан Азия ойындарының қола жүлдегері

Қазақстандық Кирилл Казанцев маунтинбайктан Азия ойындарының қола жүлдегері атанды, деп хабарлайды Prosports.kz Olympic.kz порталына сілтеме жасап.

Кросс-кантри категориясында сынға түскен спортшымыз бірнеше айналым бойы бірінші орында келе жатқан. Алайда, мәреге жақын қалғанда Казанцев сыр беріп, қытайлық спортшыларды алдына жіберіп алды. 

Осылайша, біздің спортшымыз жеңімпаздан 2 минут 32 секундқа кейін қалып, қола жүлдегер атанды. Күміс медаль да Қытай спортшысының еншісінде. 

Бүгін жарыс жолына шыққан тағы бір қазақстандық Шарик Әділов 8-ші орында. 

Кирилл Казанцев Азия ойындарының жетінші медалін ел қоржынына салды.