Головкин екінші жекпе-жекте басқаша бокс көрсететінін айтты
<span>Орта салмақта WBC, WBA (Super) және IBO тұжырымдары бойынша әлем чемпионы Геннадий Головкин (38-0-1, 34 КО) мексикалық Сауль </span><span>«Канело»</span><span> Альвареспен (49-1-2, 34 КО) өткен алғашқы жекпе-жегін қорытындылап, екінші кездесуде қарсыласын таңғалдыруға уәде берді, деп хабарлайды Prosports.kz сайты ESPN Deportes-ге сілтеме жасап.</span>
<span>- Бірінші жекпе-жек біз үшін сәтті өтті дей алмаймын. Кездесу нәтижесі қос тарапты да қанағаттандырмады. Бірақ, мен алғашқы жекпе-жектен жақсы тәжірибе жинағанымды айтқым келеді. Енді екінші кездесуде мен өз стратегиямды өзгертетін боламын. Ендігі мақсатым - корпуста көп жұмыс істеу болмақ. Мен 15 қыркүйекке дайынмын және оны сол кезде дәлелдейтін боламын, - деді Геннадий.</span>
Естеріңізге сала кетейік, Головкин мен<span> </span><span>«Канело» арасындағы</span><span> </span>екінші кездесу 15 қыркүйекте <span>Лас-Вегастағы T-Mobile Arena-да өтеді.</span>