Елеусіновтің бапкері: Даниярға уақыт керек

Қазақстандық боксшы Данияр Елеусіновтің бапкері Джон Дэвид Джексон өз шәкіртінің соңғы жекпе-жегі жайлы пікірін айтты.

Елеусінов Кардиффте венгриялық Габор Горбичті алты раундтан соң төрешілер шешімімен жеңген болатын.

«Өте мықты әуесқой боксшыға өте мықты кәсіпқой болу қиын. Бұған уақыт керек. Ол біздің көргіміз келетіндей болу үшін жұмыс істеп жүр. Ол өзін жақсы қырынан көрсетуге тырысты, бірақ болашақта одан көп нәрсе көреміз», - деді Джексон Sky Sports-ке.