Тынәлиев пен Еңсеханов - Президент Кубогының жеңімпаздары

<p style="text-align: justify;"> <strong>Бұл күндері Астанадағы &laquo;Дәулет&raquo; спорт сарайында грек-рим күресінен &laquo;Қазақстан Республикасы Президентінің Кубогы&raquo; IV халықаралық турнирі өтуде. Байрақты бәсекеде қос сайыпқыранымыз алтыннан алқа тақты.</strong></p> <p style="text-align: justify;"> Осы уақытқа дейін талай дүбірлі додаларда топ жарып жүрген жерлестеріміз қазақ жанкүйерлерін тағы бір қуантты. Астана кілемінде Нұрмахан Тынәлиев Украйна мемлекетінің намысын қорғап келген Шамиль Дибировты 3:0 есебімен ұтып, ҚР Президенті Кубогының жеңімпазы атанды. Сондай-ақ, 66 келідегі балуанымыз Айбек Еңсеханов та жеңіс тұғырына көтерілді.&nbsp;</p> <p style="text-align: justify;"> Бүгін сайысқа түскен 55 келі салмақ дәрежесіндегі балуандардың алтын жүлдесі қырғыз елінің өкілі Әлібек Жолшыбековке бұйырса, 84 келідегі украйндық Жан Беленюкке тең келер ешкім болмады.</p> <p style="text-align: justify;"> Естеріңізге сала кетейік, грек-рим күресінен &laquo;ҚР Президенті Кубогы&raquo; халықаралық турнирі осымен төртінші рет ұйымдастырылып отыр. Оған 10 мемлекеттің балуандары қатысып, бақтарын сынауда. Жартыс жеңімпаздарының есімі ертең толық белгілі болмақ. Айтулы турнирдің жалпы жүлде қоры &ndash; 77 мың долларды құраса, бірінші орын алған командаға 5 мың АҚШ доллары табыс етіледі.&nbsp;</p>