Данияр Елеусінов кәсіби рингтегі үшінші жеңісіне қол жеткізді

Олимпиада чемпионы Данияр Елеусінов кәсіби рингтегі үшінші жеңісіне қол жеткізді, деп хабарлайды Prosports.kz

Кардифф қаласында (Уэльс) «Ice Arena Cardiff» аренасында өткен жекпе-жекте қазақстандық боксшы венгриялық боксшы Габор Горбичпен жұдырықтасты.

Алғашқы сәттерден бастап-ақ басымдықты ұстаған Данияр бесінші раунд аяқталар тұста жарақат алды. Жарақаты жекпе-жекті жалғастыруына кедергі болған жоқ. 35 жекпе-жек өткізген Габор да дес бермеді.

Нәтижесінде төрешілер шешімі бойынша жерлесіміз ұпай саны бойынша жеңіске жетті.