Қазақ балуандары Иранды тізе бүктірді

<p style="text-align: justify;"> <strong>&laquo;Тараз Арена&raquo; спорт кешенінде тұңғыш рет қазақ күресінен &laquo;Еуразия Барысы&raquo; халықаралық турнирі өтіп жатыр.</strong></p> <p style="text-align: justify;"> Жеребе бойынша қазақстандық балуандар Иран елінің спортшыларымен кездесіп, 5:0 есебімен алғашқы жеңіске қол жеткізді. Енді жерлестеріміз Тәжікстан құрама командасымен күш айқасады.</p> <p style="text-align: justify;"> Алғашқы болып бозкілемге 60 келідегі балуандар шықты. Онда ел намысын қорғаған Абзал Арыстанбеков Сохбанберді Сафариді кездесудің 16-ші секундында таза ұтса, оның жеңісті жолын 70 келілік Ерлан Естек қазақ күресінен Иран чемпионы және Азия біріншілігінің күміс жүдегері Хамид Мирзаиді жеңді. Сондай-ақ, 80 келідегі Ерсін Мұхамеджанов Мехди Вазари, 90 келіде Мұхит Тұрсынов қазақ күресінен Иран чемпионы Жафар Юнеси Бордждиден айласын асырса, ең ауыр салмақта сын түсіп жатқан &laquo;Қазақстан Барысы&raquo;-2012 атағының иегері Бейбіт Ыстыбаев Насыр Сахраи Доулатханнан басым түсті.</p> <p style="text-align: justify;"> Мұнан кейін жарысты Польша мен Тәжістан құрама командаларының балуандары жалғастырды. Онда тәжік спортшылары қарсыластарынан басым түсіп, Қазақ балуандарымен белдесуге мүмкіндік алды.&nbsp;</p>