Әлем чемпионын поез қағып кетті

<p style="text-align: justify;"> <strong>Самбодан әлем чемпионы Аслан Хатуховты Кабардино-Балкарияда темір жол бойында жаттығу жасап жатқан жерінде пойыз қағып кетті. Бұл туралы аталған республиканың ІІМ МБ хабарлады.</strong></p> <p style="text-align: justify;"> Хатухов біраз жүгіргеннен кейін пойыздар сирек жүретін темір жол бойындағы рельсте жаттығу жасайды. Үстіне спорттық киім киіп, құлағына құлаққап тағып музыка тыңдаған ол жақындап қалған пойызды байқамаған.</p> <p style="text-align: justify;"> Алған жарақатынан чемпион оқиға орнында өмірден озды. Қазір полиция болған жағдайға байланысты тергеу жүргізуде.</p> <p style="text-align: justify;"> Спортшы самбодан Ресей және әлем чемпионы, панкратионнан әлем чемпионы, қол күресінен Ресей чемпионы, Ресейдің әскери қол күресінде де топ жарды, сонымен бірге ол ADCC жүйесі бойынша бірнеше рет жеңімпаз атанды.</p>