Шүменов пен Алтункая жекпе-жек алдында көз түйістірді

WBA тұжырымы бойынша жартылай ауыр және бірінші ауыр салмақтарда әлемнің экс-чемпионы Бейбіт Шүменов (17-2, 11 KO) пен оның түркиялық қарсыласы Хизни Алтункая<span> (30-1, 17 КО) жекпе-жек алдында көз түйістірді.</span>

Қазақстандық былғары қолғап шебері екі жылдық үзілістен кейінгі жекпе-жегі 7 шілде күні Астана қаласындағы «Барыс Аренада» өтеді.

<span>Шүменовтің қарсыласы Алтункая кәсіпқой рингтегі мансабын 2008 жылы бастаған. Ол мансабында 31 жекпе-жек өткізіп үлгерген. Оның отызында жеңіске жетсе, біреуінде ұтылған. Ал 17 кездесуін уақытынан бұрын аяқтаған.</span>

<span>«Мен Бейбіт секілді аса мықты қарсыласпен жұдырықтасатыныма қуаныштымын. Ерекше  кездесу болайын деп тұр. Бірақ, әрине, мен чемпиондық белбеуді ұту үшін келдім. Екі ай бойы жатпай-тұрмай дайындалдым. Жаттығуымның нәтижесі оң болып, Бейбітті жығып түсіремін деген ойдамын. Намысты қолдан бермеу керек», - дейді түрік боксшысы.</span>

<span> <br /></span>

<span> <br /></span>