«Канело» келесі кездесуін өткізу үшін спорт кешенін жалға алып қойды

<span>Допинг сынағынан өте алмай бокстан шеттетілген екі салмақ бойынша әлемнің бұрынғы чемпионы мексикалық Сауль Альварестің (49-1-2, 34 КО) келесі кездесуі қандай спорт кешенінде өтетіні белгілі болды, деп хабарлайды отандық басылымдар. </span>

<span>Бұған дейін Golden Boy Promotions промоутерлік компаниясының президенті Эрик Гомес «Канелоның» шаршы алаңға 15 қыркүйек күні оралатынын айтқан болатын. Жекпе-жек Лас-Вегаста өтіп, PPV (ақылы көрсетелім) жүйесі бойынша көрсетіледі. </span>

<span>Ал Las Vegas Review Journal-дің мәліметі бойынша, Golden Boy Promotions компаниясы Лас-Вегастағы T-Mobile спорт кешенінде 15 қыркүйек күні жекпе-жек өткізу үшін өтініш білдірген. Бұл өтінішті Невада штатының Атлеттер комиссиясы 14 маусым күні өтетін отырысында қарастырады. </span>

<span>Айта кетейік, Альварес өзінің соңғы кездесуін өткен жылдың қыркүйек айында дәл осы спорт кешенінде өткізген болатын. Ол кезде 12 раундтық жекпе-жекте ол WBA (Super), IBO және WBC тұжырымдары бойынша әлем чемпионы қазақстандық Геннадий Головкинмен (38-0-1, 34 КО) тең түсті.</span><br /><br /><br />