Бокстан ҚР Президенті Кубогында ел қоржынына екінші алтын түсті
Қазақстанның және әлемнің спорт жаңалықтарына жазылыңызАстана қаласында бокстан ҚР Президентінің кубогы халықаралық дәстүрлі турнирі өтіп жатыр, деп хабарлайды prosports.kz сайты.
Бүгін боксшылар алтын медаль үшін жұдырықтасатын болады.
Осыдан сәл бұрын ел қоржынына алғашқы алтын жүлде түскен еді. Оны әйелдер арасында 57 келі салмақ дәрежесінде бокстасқан Сәния Сұлтанқызы алды. Ол финалда жапон қызы Хирута Мицукиді жеңді.
Ал 60 келіде шаршы алаңда қос қазақ қызы күш сынасты. 2018 жылғы Қазақстан чемпионатының жүлдегері Римма Волосенко финалда Әлем чемпионатының жүлдегері Айжан Ходжабекованы төрешілердің шешімімен жеңді.