Алматыда теннистен «Almaty Challenger» халықаралық турнирі өтеді

Маусымның 11-і мен 16-ы күндері алып шаһарда ATP Challenger сериясының теннистен ірі халықаралық турнирінің жалауы желбірейді. Жарыстың жүлде қоры 50 мың долларды құрайды.

Almaty Challenger турниріне 30 елден келген 100-ге жуық теннисші қатысады – олардың ішінде әлем рейтингісінің ТОП-жүздігіне кіретін теннисшілер де бар. Қазақстан спортшыларының арасынан Александр Недовесов, Тимур Хабибуллин, Роман Хасанов және Денис Евсеев жарыс жолына шығады.